车展。万达。和平馆

　　重要提醒：系统检测到您的帐号可能存在被盗风险，请尽快查看风险提示，并立即修改密码。 | 关闭

　　网易博客安全提醒：系统检测到您当前密码的安全性较低，为了您的账号安全，建议您适时修改密码 立即修改 | 关闭

　　本blog所有文字及图片未经同意，谢绝转载！多谢合作！ 车展。万达。和平馆

　　2011-10-01 22:37:20| 分类： 美食突工队| 标签：|字号大中小 订阅 国庆假期第一日，第一个节目系去睇车展~~

　　小白上边有人，所以可以免费比我哋入去睇~~

　　今年国庆同时三个地方搞哦，一个新体育馆，一个白云国际会议中心~

　　一个系保利，话说我都唔知保利系边，大概系琶洲吧~~

　　是日睇嘅系新体育馆~~

　　date某V12点系果度等，

　　

　　人地以为自己过去几个站，我12个站会快过我~

　　今日系农讲所总站坐76A，一开车就末路狂奔咁~~半个钟唔使去到~~

　　

　　个站虽然叫广州体育馆，但落车系云溪生态公园门口~

　　未入过去有D好奇~~后来某V居然话距系个从个公园度行出来，真系神奇~~ 一去到体育馆就同小白会合先~

　　原来呢度分ABC三个馆，平时演唱会系A馆，其余两个系搭讪的~哈哈~

　　第一次去车展，比我感觉都几多品牌参展~

　　不过估计同之前墟墟冚冚嘅琶洲展还是有距离~~

　　因为我哋入到去已经差唔多1点，D车模去晒吃饭，所以D相系斋车~

　　

　　后来行行下见到个车模吃完饭翻嚟，某V话D车模质素同大车展差好远~~

　　以下放几张我有办法看图说话嘅相啦~哈哈哈~

　　

　　一入B馆就见到smart，贴左愤怒雀，好醒目，不过部车太细，D位好窄~~

　　

　　奥迪TT~~耐唔中都会见到呢部车系马路上装B~

　　话说N年前玩开心网个停车位我都整左6部啦~

　　

　　奥迪A1，呢部有D赛车feel~~其实觉得四环素D车个款都几好睇~~

　　起码无ben-z咁暴发户feel，无宝马咁富二代feel~

　　

　　好吧~~循例讲下宝马~~之所以话富二代feel~~

　　事实出边好多揸宝马都系呢D人，加上今日睇埋张油耗表~~

　　某V话超吃油，适合D唔志在嘅~~

　　

　　呢部要讲啦，就系《城市猎人》李润成部现代飞思veloster~~

　　盛惠RMB20.5W~~原来又唔系好贵咋哦~~虽然我买唔起，不过一直觉得距上4-50W~

　　

　　大黄蜂~~好似9W几~

　　

　　呢部小贵族，个样就学smart，不过真系差好远，听关门声就停到了~~

　　都系某V教的，距话如果道门系实心关门声系闷D嘅~

　　但如果道门系空心，会清脆D高音D~~

　　

　　仿完smart跟住又见到部仿mini cooper，不过始终一分钱一分货嘅~~

　　行完三个馆，差唔多两点，于是去左万达~~

　　其实两点有陈sir签名会，不过我哋都无等了~~

　　其实呢D车展如果唔系单反控，唔系车模控，唔系买车，

　　斋行hea时间都OK嘅~~

　　某V唔知有咩车去万达，静系知好近，于是扬手了~

　　果然唔使跳表~

　　

　　

　　谂住上三楼揾食，点知某V入左星巴克~万达店唔算多人~~

　　话说我都系第一次帮衬，呢地方太小资了~~

　　某V嘅美式咖啡，啫系斋啡+牛奶~~非常重口味~~

　　

　　我想咬D野，某V推荐呢个云石唔知咩~~

　　以为系面包一块，原来系朱古力蛋糕，OK哦~~~

　　

　　后来转左窗口位，就开始商量15 16大计~~

　　点知最后A plan搁置了，过完国庆后睇下其他plan落唔落实到~

　　系星巴克换埋摩天大楼就上三楼吃野~

　　

　　

　　

　　

　　搞掂个肚就翻左公园前睇旅行社~

　　好恐怖嘅地铁站，一直觉得国庆D捞会翻乡下，因为见新闻讲D火车票已经卖晒~~

　　小喇叭今日D佬边度嚟噶？

　　从万达翻到公园前出闸，系得我同某V讲广州话咋~~唉~~~

　　今晚嘅晚餐去左和平馆~~

　　一入门口嘅靓仔认得我哋，非常好招呼，介绍新菜牌~~

　　

　　夏威夷木瓜炖雪鸽~~会员价23蚊，正价38蚊~

　　呢个强烈推荐~~木瓜够大够淋，雪鸽够厚够多，里面仲有炖蛋，加埋椰子简直天衣无缝~~

　　平时好多地方D木瓜炖雪鸽真系摄牙喇都唔够，呢度一个人都吃唔晒~~又系某V包底~哈哈哈~

　　

　　

　　新菜牌の酸汁煮滑鸡~~43蚊~~

　　里面除左有鸡，仲有金针菇，平菇，虾，鱿鱼，八爪鱼。。。ETC

　　酸酸地少少辣，几好送饭的说~~

　　见到个水煮牛肉好想试下，不过某V话想吃呢个，就唯有下次先试啦~~

　　搞掂就肥家了~~听日严重唔想出街，我要宅宅宅！！