游记.彩云之南3の拉市海,香格里拉
2011-12-2 10:34:03
访问量:2911947
上回讲到,上咗丽江高快,离开泸沽湖翻翻丽江.
然后喺车上有对男女坐咗我哋噶位.话晕车.
本来我以为今次搭噶喺大巴(去程喺搭19座中巴)会舒服好多.
点知又喺坐最后不单只,部大巴噶避震超级无敌差!!!
你知啦,泸沽湖到丽江噶路唔喺一般噶烂...部车凳到我哋想死咁济.shit!!
而家先发现原来去程噶中巴喺咁舒服噶!!!根本唔觉得有咁凳.
忍无可忍之下换翻我哋噶位置,坐翻窗边.
好痛苦漫长咁挨到下昼5点+(中途喺黎果阵食饭噶地方食饭),终於翻到丽江古城了!!!
那个感动啊...
今晚同听晚噶客栈我哋预先上网订好噶,貌似140/晚.
到咗丽江客运站之后打的去到古城南门,然后就有客栈噶人黎街我哋了.
客栈离南门非常近.於是我哋放低行李check in之后就出去觅食了.
由於实在唔想比古城里面所谓噶食肆昆,於是我哋决定行去北门食kfc!哈哈哈
行下行下经过前几日我哋报噶果间旅行社.
於是就顺便plan埋跟住落黎几日噶行程了.
由於宝好想骑马.然后过个拉市海一日游先100蚊.仲有得骑3h马.好吸引.於是我哋就报咗第二日就去.
然后对於香格里拉.由於我哋实在想去中虎跳.而且中虎跳同香格里拉连埋去噶话冇车好麻烦(主要有人好怕麻烦!!
)
so 我哋纠结之下都报咗拉市海噶第二日出发噶香格里拉中虎跳两日游纯玩.貌似550蚊.(学生证减70)
个旅行社不断sell我哋,呢个团喺19人噶车,所以集合各方面都冇咁费时.几好.(唔包食噶)
好啦,两个团一齐报.距就比我哋拉市海优惠价90蚊.香格里拉冇得便!!距仲叫我哋唔好话比同团噶其他人知我哋550蚊.(tmd后面再讲.嬲)
搞掂之后直奔kfc!!因为饿死了快!
食咗同前几日一样噶嘢.但一样好满足~
解决肚仔问题之后就翻翻古城闲逛.
经过酒吧街.终於感受到丽江酒吧噶feel了.
好多酒吧里面每张台面都有一够嘢.当主持人搞气氛大家起哄就摞果够类似石头噶嘢坑台面.
几大力都得噶..我喺外面听到已经聋咁济.
喺里面绝对会聋囖...但系啲人都好high.可能呢啲就系丽江古城酒吧噶特色吧~
其实天仲未黑,好靓噶一棵假花同地标 大水车.
深入一啲从未到过噶小巷.顺便搵香格里拉翻黎果晚要住噶客栈.
其实我觉得丽江古城真喺颇大.
大概都11点+先翻到客栈.洗洗睡了.呵呵呵
黎到今日,呢趟旅程已经过去3分之2了.剩低噶要好好珍惜~呵呵
唔知琴日食错乜嘢.琴晚开始我就肚屙!!!极其辛苦!!心谂,今日唔知点骑马..
早上大概9点喺南门集中.
又一张古城的早晨.
再一次比旅行社坑爹.唔知距喺安排上面出现咗乜嘢问题.车唔够接人.
最后等到接近10点先派咗部面包车黎接我哋过度滞留噶10个人左右.
shit!!真喺等到烦!!途中有好多私家车司机系度拉客..话包车到拉市海貌似120蚊. 几经波折,去到拉市海之后直奔厕所,然后就开始骑马了.大概10点45分吧.
上咗马之后我哋就自high了.呵呵呵~好鬼过瘾.
一个马夫睇四只马.但系距唔拉住啲马噶.就由得距哋一只跟住一直行.
然后个马夫话,啲马本来喺咁噶顺序行下行下都唔可以改变顺序噶.
比如原本排第三,如果超过人地排第二或者第一,咁距地就要打交噶!~好过瘾.呵呵呵
我只马成日都痴住宝果只条尾.成日懒咁唔亲密咁!呵呵呵
话说我哋骑马噶路线喺咩古代噶"茶马古道"黎噶喔.
哈,中途休息.呢个view几唔错啊.
ps 我发现我哋好白痴.明知咁晒专登著短裤黎晒高原太阳!!!
黑晒啊555.
我只马马马马啊~呵呵呵
个天好靓~好喜欢呢张.
其实呢度都几靓,有啲似小树林.啲马仔一休息就搏命食草.不停食不停食!
哈哈.休息完之后本来我只马喺排第三噶.点知超咗宝果只.变咗第二!但系冇打交啵~呵呵呵
你睇后面呢两只几慢~离我咁远..
听歌马夫讲,原来我果只同宝果只马喺两亲兄弟黎噶!!
唔怪得我果只行几步就回头望下距啊哥啦!~超有爱!!
而且唔怪得距开头痴到前面果只咁埋啦.你睇~呢只距根本唔会痴埋去噶.
听到个马夫同前面呢位女士倾计.发现原来呢个女噶又喺老师...!!!此次旅行遇到噶第三个老师了...
个马夫仲话距哋带马成日夜晚黑都要去上咩培训班噶.一个星期唔知两次定三次.
好变态...呢啲都要上课!~pro!呵呵呵
其实根本冇三个钟.最多最多只有一个钟零15min.
报团果阵个旅行社仲话对面旅行社标榜骑马4h其实2个钟都冇.其实距自己一样!!!
我问个马夫...然后距话因为而家旺季,所以骑唔到咁耐.
而且因为而家人好多,所以唔可以比啲马跑步狂奔.哎哎呀呀~可惜,如果唔系high好多.
骑完马之后去旁边过个地方食饭(包噶)..他妈的,真系太难食了...啊啊啊
而且我个肚十分唔舒服.又去厕所解决 ...然后果啲厕所我真系唔想评论啊啊啊啊.臭到死咗
然后就去撑艇仔.
终於行近拉市海.湿地.同泸沽湖有唔一样噶感觉~
呢啲树我觉得喺人工种落去噶.唔系边有咁对齐咁均匀噶.
呢个喺船家呢张影得距几型~呵呵呵.个天好蓝!
我哋坐噶都喺猪槽船.同泸沽湖噶大同小异.
呢个人喺湖中间卖烤鱼喔~呵呵呵.不过我谂都冇几多人帮衬距噶啦.
ps.我冇心影到后面过个咁猥琐噶...
其实喺呢度仲可以远观玉龙雪山噶.我哋仲问个船家边个喺~不过问完都喺唔记得..呵呵呵
天气真系好~心情舒畅(如果忽略我个唔舒服噶肚)
水面超级多螺!
仲有呢只虫!~同我喺泸沽湖见到噶几乎一样..
游完船之后就一部烂鬼车车我哋去束河古镇.然后就解散.
总噶黎讲其实距真系活动时间加埋食饭地4h+....
不过算了,我见拉市海噶门票骑马+划船好似已经卖100+定200+了.
真系赚死距..而且我觉得过度好混乱.好容易唔买票都可以混入去.
不过我哋90蚊又包车又包午饭都算喺咁噶啦.
去到束河之后我哋就自己慢慢行了.过次去完玉龙雪山之后好赶时间我哋都冇点行过呢度.
真喺唔好意思我影完先发现"谢绝拍照"...
黎到束河噶中心地带了应该喺.
然后竟然仲见到咁噶客栈................
其实我当时十分之唔舒服..想s咁济
呢只草好得意好有爱!!!
后来行咗一个钟头多啲.实在太唔舒服了.於是决定打道回客栈休息下.
然后喺束河古镇翻丽江古城真系有够坑爹的.
要去门口坐面的.然后面的要坐最前面过部.2蚊/人.送你去唔知边度.
如果你搭后边噶面的.就当你包车...几十蚊个人...我真喺无语死.
於是我哋2蚊/人去到唔知边度.再搭咗一部面的样子噶公交车!总共3蚊/人,就翻到丽江古城南门了.
所以话...连面的样噶公交车都有.真喺理解唔到丽江噶公交系统啊啊啊.
喺客栈休息到接近6点钟.舒服咗啲了~就决定出去行下.顺便食个饭.
行下行下,见到呢间店十分多人食.而且环境几好.於是果断选择距.
貌似点咗两个菜炒肉,一个包菜.味道都唔错~而且价钱又抵!
哈哈.呢餐喺古城里面噶饭店食得最好食噶一餐了.
喺我哋准备走噶时候.隔离台黎咗只超级大狗.好鬼乾净噶距啲毛.
距主人仲要比距上凳,乖乖咁坐喺度.呵呵呵
后来我影距.黄色衫呢个女士仲讲笑话"拍照十块钱一次啊 呵呵呵"
准备天黑噶小巷.别有一种感觉.
食饭之后终於搵咗一间交通非常方便噶客栈订了香格里拉回来果日住.
然后又喺古城周围游荡. 而家谂翻真喺觉得喺古城夜晚噶时间过得好快,逛逛就一晚了~
早上八点左右集合.等人又等咗成半个钟.尼玛...
上车之后发现再次被骗.讲好噶19坐中巴变咗33坐大巴....好多人囖..
ps:我噶肚仔依然唔舒服.琴晚屙咗无数次...救命啊.我真喺唔知今日点行中虎跳...
大概9点半到咗第一个点,长江第一湾.
落车之后喺厕所门口见到呢只狗仔.啊哈哈哈哈好可爱啊
然后见到又有牦牛要比人骑.. 不过啲牦牛又真喺几型噶~
上咗呢个所谓噶观景台.睇长江第一湾.救命个湾先睇到一半.
个导游话平时相上面睇好靓噶都喺飞机上面先影到噶喔.我就无语了.
如果睇到噶话呢度喺个100+度噶急转弯.都几壮观噶.
上车了，喺车上影~.
到咗大概10点半..就到咗个虎跳峡县.距竟然叫我哋食中午饭....食完再去行中虎跳.
我真无语..而且非常唔舒服.就求其食咗个米线.
ps 个导游(藏族噶)喺部车度已经不停sell距今晚噶篝火晚会了,话加埋食牦牛貌似200蚊/人..
真喺好过去抢.不过我根本冇理距.最后大概3分之1人冇报.
食完中午之后.,我哋就正式去到中虎跳了!
知识普及一下 虎跳峡分为上中下虎跳.暂时下虎跳就冇乜嘢睇噶,而上虎跳喺一般噶团队游去噶.
而背包客 自由行或者好似我哋呢啲噶散客拼团就会选择区中虎跳.据说中虎跳喺成个虎跳峡最激噶一段.
导游放咗4个钟等我哋行.3点半集中...好啦,我就以为超级远有排行噶.
ps:我个肚仲喺非常之唔舒服.
一路落山,都喺行呢啲好斜噶山路.不过可能因为喺落~所以都唔觉得辛苦.
呢啲都喺我哋团噶.
唔系一般咁晒啊啊啊啊.
落咗大概40分钟就到观景台了.
相真喺表达唔到当时水流有几急.
然后呢条桥喺通去中虎跳石.然后当地村民又话呢度喺因为有距地维护定唔知乜,每个人要比5蚊先可以去~
呢个就系喺虎跳石上面望到噶滔滔江水了~呵呵
然后喺虎跳石旁边我仲去咗个厕所....同样都喺不敢恭维噶厕所..
然后去完出黎有个小朋友见到我去完,仲叫我比钱.....我晕.
导游叫我哋到咗观景台就要往回走了,不过怀住探险噶精神.我哋都喺决定继续往前行.
然后见到呢个.而且见到同团有个男噶喺前面翻黎同我哋讲,前面超级正.
但系呢度又有人收钱,话要10蚊一个人.但系你喺前面过个观景台睇完之后可以从距条天梯直接行上去.
而且果个人仲讲话行45分钟就上到去,上到去之后行10分钟就到我哋噶停车点.
可能我实在唔想行回头路.so我哋决定行距噶路线.
呢度再继续前行就系另外一个观景台.
经过呢度行去所谓噶 真正的中虎跳石. 呵呵呵
好啦,难得传一张合照呵呵呵呵呵呵呵
大家可以发现呢度更加激噶!!~睇我身后啲水花就知.
途中遇到噶呢个红色衫红色帽男士.就系距帮我哋影合照噶~我哋又有帮距影.
话说距喺自己一个黎噶!!打算一阵直接拦车送距去香格里拉,拦唔到就系过度住一晚!!好勇啊啊啊.下次我都要咁样旅行!!
呢度就系"真正的中虎跳石"喔.
不过真喺好好好好激啊呢度!!睇下身后啲水花!!!high到爆!
呢个人后来仲去咗过边好远噶石...见过度好远又冇路去,於是我哋都冇过去了.
由於中虎跳石太壮观,而且好舒服,再加上有排都未到集合时间3点半.而且我个肚又非常唔舒服.於是我哋就坐喺上面hea咗好耐~
呵呵,仲有同团噶一对男女.又喺个女仔摞住单反噶~呵呵呵.
再次感叹呢度真喺好好好壮观啊..其实我仲录咗视频噶~呵呵呵
由於呢两日我实在太唔舒服...所以相都影少咗好多.唉.出门在外真喺身体最紧要啊!!~唔舒服玩乜都冇心情.
我哋开始爬过个"天梯"上翻去了.他妈的....一直直上无数噶楼梯级.
我实在高估咗自己噶身体.
而且当时正值中午.太阳实在毒辣.我几乎行两步就抖好耐..后来仲行到呕
言语已经无法表达我果日到底有几辛苦了.简直想s.
而且不停睇时间.,好惊赶唔切.
最后最后,实在顶唔顺了.见到有马夫同马系度,我就决定骑马上去了..
睇我身形比价钱噶喔.呵呵呵.下面啲人话要60,点知可能我近山顶啲先骑,讲价之后25蚊就得了...
喺马上面凳到我想死.而且个肚搞到死咁济...宝由於冇咩事.就系后面自己行.我上去先.
一落马就又呕个七彩..然后冲去厕所...唉.天啊.而家我都唔敢回想当时噶情况了.
后来我仲要净系得20蚊散纸.个马夫仲要冇得找...可能距见我太阴功了,就净系收咗20蚊就走了.
上到去去埋厕所已经3点10分.我哋目测停车场距离我哋噶位置,以我果时噶状态,起码要半个钟先去到..
然后果阵导游已经打电话黎催,仲话全部人等紧我哋.然后态度好差.然后我哋话距可唔可以开车黎接我哋.又话唔可能.shit!
於是我哋就决定边行边拦车!!好在行咗3分钟左右就成功拦咗部私家车!!仲要啱啱好坐得落我哋两个!!
太感动了!!同个司机讲明原因之后距哋都好乐意车我哋去前面停车场.而且距地喺车上面都同我哋吹水~讲咗下中虎跳噶情况.
好感动啊啊啊.好好彩.如果唔系有顺风车,我哋就赶唔切.要自己追上部旅游巴了!!
3点20分到达旅游巴,然后导游司机就过黎开门等大家上车....然后我哋就接受一轮批斗..............他妈的
不停话叫我哋唔好行果边又唔听...shit!!!尼玛我已经超级唔舒服好冇....整到我心情差到死了
同团另外过对男女2点50分就翻到去.比距话咗几句...shit.我觉得距就系因为我哋冇报过个自费项目,特别唔爽我哋.操!
顶你我又冇迟到.shit.
所以我真喺觉得香格里拉报咗散客团喺我今次旅程最大噶一个败笔.根本冇好好令我可以感受下香格里拉.唉.
喺车上休息.见到窗外风景十分靓~
好正噶梯田.
大概6点半终於到香格里拉了.先去咗香格里拉噶杜克宗古城.
首先黎到呢个全世界最大噶转经筒!!真喺好巨型囖距.
ps 翻到黎睇相先发现呢张相影到类似彩虹噶物体!!!
先入去呢个烂博物馆睇...然后发现里面睇噶嘢9成都同束河古镇噶一样...
不过有好多呢啲貌似用蝴蝶痴成噶画.
然后里面又讲藏药...跟住又叫睇掌纹......於是我哋直接走咗.自己行~
呢个喺香格里拉附近地方噶模型
然后我哋就上龟山公园玩了.头先过个最大噶转金筒就喺呢个公园里面.
由於香格里拉海拔比较高.而且龟山公园又要行好长噶楼梯...
经过下昼噶虎跳峡之后我已经对楼梯充满恐惧感了.所以慢慢慢慢行~
终於上到顶喇!~哈哈哈.我哋都走去转呢个筒.
开头比较多人一齐转,所以冇咩感觉~后来越黎越少人,要好鬼大力先转得距郁啊!~
呵呵呵.不过个大金色筒真喺好型. 睇下我哋喺旁边几渺小就知啦~呵呵呵
转经筒附近有唔少呢啲 充满藏族色彩噶嘢.
好宏伟啊啊~个天都好靓!
龟山公园地势比较高,所以可以望到古城噶全景.
ps:其实龟山公园好细,距就系香格里拉个古城门口.
好多经幡.
墙上面有同大理完全唔同感觉噶图案.
睇完转经筒我哋就离开金山公园了.入去古城转一圈~
头先喺车度,导游都有介绍,香格里拉藏族风格噶建筑噶外墙都喺斜噶!!
大家睇唔得得出呢~
呵呵,睇呢张相我精神已经好翻好多了.
下图噶建筑就可以睇出距颇斜了.唔知话有乜鬼作用呢~
呢度噶咖啡屋都唔少得藏族噶风格.同丽江噶截然不同.
呢个应该算喺中心地带了.四面都挂住经幡~
好吧..其实我唔知点解叫 纠察囖.
不解释.球迷们自行理解.
呢张应该喺最斜噶喇!!!真喺觉得呢度噶建筑好特别,好过瘾~好多都未见过..
古城里面噶小巷都望到高高噶转经筒.
感觉成个古城都唔多人,颇清静噶感觉.但喺依然都喺好多卖围巾啊牛肉干啊等等同丽江差唔多噶商业铺头.
行完一圈冇咩睇又未够时间,於是我哋就自high了.呵呵呵呵呵
原来咁样影相真喺好过瘾.哈哈哈
到咗7点+,门口噶广场就好多人喺度跟住跳唔知乜舞啦.几搞笑噶~呵呵
集合之后就车我哋去入住酒店.啊啊啊.呢个酒店真喺呢个团最最满意噶嘢啦.
据说有四星标准噶.真喺好靓囖.
仲有电脑添!!~而且屋内都好有藏族感觉.
不过个厕所噶热水貌似好细囖..一时好热一时又好冻..无语s
窗边的一角.好喜欢呢张耶~
我哋房噶门口,呵呵呵.好型啊啊
放低行李之后,有报自费噶就跟个导游去.冇噶就自己解散搵嘢食.
我哋行咗好鬼远先见到一间比较正常噶餐厅.求其填饱个肚.
然后举送咗包咁噶纸巾..................我无语啊啊啊啊.9成相似啊.
由於我非常唔舒服所以食饱就翻酒店抖了.10点+就训了,皆因第二日6点半就集合!!!痴线噶.....
8月12日 香格里拉 - 丽江住:丽江古城
6点就起身.好在琴晚早训噶我哋都唔算太眼训~呵呵呵
今日噶目的地喺 普达措国家森林公园!
首先个导游又up一轮,话而家又几冻几冻,然后又话咩氧气筒点有用...
心谂.一阵肯定唔冻啦,而且呢度海拔得三千几.氧气筒肯定冇用.
so 虽然好多人show距,但我哋果断唔show距.呵呵呵呵呵
然后无语了.6点几黎到已经咁多人...
全部都喺旅游团晨早黎排队,赶行程
八点多啲终於入去了.然后话1点钟集合.5个钟头我谂应该都差唔多挂~
距噶景点其实就喺一个碧塔海一个属都湖.前者步行3.7公里,后者4.5公里.
两者之间有环保车连接.而且每个景点噶路你都可以坐环保车.
上咗环保车.车上播紧国家公园噶简介,而且仲有时会话"现在车厢的右手边是*** "好pro囖我觉得~呵呵呵
落车之后我哋首先黎到属都湖景区.
跟住落黎会有一连串植物噶相~呵呵
首先见到呢啲高原植物好得意哇!同我哋身边果啲好唔一样 .
早晨的属都湖.
太阳都未出黎.不过咁样影出黎别有一种风味.
我记得我睇过一本书,日出和日落附近噶时间影相喺最靓噶.
呢张喺我最最满意噶~
好大片湿地+遍地小黄花.
今日噶我舒服咗啲了.不过肚仔都仲系时不时唔争气.
呢啲唔记得叫乜乜柳.好靓好特别啊!!
呢棵嘢噶树枝喺红色噶!!
大光圈影植物十分有爱!!呵呵呵
行下行下见到有只松鼠爬紧树!!
然后就去抓拍距了.呵呵呵
好精灵好可爱啊!!
又喺呢种树. 国家公园好多好特别噶植物吖~好喜欢.嘻嘻
因为个公园好大好大好大,所以入到里面其实都唔觉得好多人好逼.
呢度噶旅游保护做得几好,就整咗木栈道比游客行.而且附近会有工作人员监督唔比你踩草哋.
赞.
呢张我都好喜欢~后面虚的好靓耶
途中遇到棵好粗噶大树啊哈哈哈哈
太阳开始出黎了.
我哋已经见到啲人逐渐除咗羽绒摞住黎行...哈哈哈.而且冇氧气根本一啲事都冇.好在冇比距昆姐~
倒影与树枝融为一体.好美
看图不说话.
用了一个钟零15分钟左右就行完属都湖噶木栈道了.
然后终於见到厕所!!!而且喺个流动厕所!!!
距噶外观同其他环保车冇咩大分别.但喺里面喺一格格噶厕所!仲有得洗手!!好型啊啊啊啊!!真喺第一次去啲咁噶厕所~呵呵呵
去完厕所之后就去等环保车.救命.......超级无敌多人等啊啊啊.
然后车一部一部咁黎..有排都未到我哋.
等咗9个字左右,忽然黎咗6部车!!但系都未到我哋...之后成半个钟都冇车黎!!
然后忽然有几部私家车经过.啲人开始起哄!!仲对住过啲车掉水樽!!
后来先知好似话咩上海噶咩书记过黎视察...........然后封路封咗半个钟!!!
shit!!激死人了..我哋喺过度又晒又攰等咗成个钟有多!!!tmd..
11点多啲一次过黎咗10+部车...车晒啲人走.
部车首先停呢个唔知乜乜草原.
不过就唔比落去噶~静喺可以喺度影下相.
呵呵呵 以后有机会可以去下内蒙古大草原就好了.
然后上翻环保车就车我哋去碧塔海了.途中车上见到噶一片黄花~不过影得唔靓.
感觉好似冇属都湖咁靓.
同泸沽湖有小小似耶~呢啲水中植物.
果阵已经11点9了.我哋发短信比导游,话我哋(仲有同团几个人)等环保车等咗个几钟.
距竟然扑街到话个个都喺咁噶啦,自己协调时间!!shit!态度差到爆炸.
莪哋睇下时间,4.+公里,如果行噶话1点前肯定翻唔到去集合..而且以我噶身体状况,都唔知行唔行得完囖.
於是我哋坐咗呢部船!~20分钟到,然后仲有1.+公里可以行下.
50蚊/人啊.认真贵.而且又冇窗口位我哋坐.妖.
整到隔住个窗先喺咁2影咗两张相.
不过搭船中见到噶景色好似都冇咩特别.唔够属都湖靓~
一落船就见到呢棵咁型噶树.
其实草地上面好多小花噶.不过而家唔喺香格里拉最靓噶时候~如果唔系就漫山遍野都系花!!
又喺呢种花啊.哎呀,我真系唔记得距个名囖.
行完果1公里多啲之后又等环保车,仲急到死啊我哋.最后仲差3分钟一点翻到去.
点知等人等到接近2点.....................我无语啊啊啊.他妈的导游对我哋态度特别差噶!!!
等人途中同同团噶人吹咗下水,距问我哋报团几钱.我哋话550.点知距哋原来先520貌似!!tmd果间旅行社仲搞到好似自己最便咁!!顶.
而且报果阵又坑爹喔.谂起都嬲.不过本来我哋都觉得距价钱算便噶.点知...
最后翻黎果四个人貌似比我哋仲惨.距哋上咗封路前噶过部环保车.然后后面喺领导噶车.
所以距哋部车就唔敢停(费时阻住领导)!!!於是一直带距地游花园!!最后好似放低咗距哋喺正门...
好惨啊...根本连碧塔海都冇行过.太杯具了.虽然我哋搭咗船,但喺起码都叫见过个湖吖.
开车之后大概2点45分车咗我哋去县城解决午饭.都喺求其食啲嘢噶姐~皆因都唔知有乜好食.
主要喺我又搵咗个厕所好好解决了一番.爽咗好多!!
呵呵呵,食饱就上车返程噜.
车上影到噶风景.好靓啊啊啊!!其实甚至比碧塔海仲要靓啊我觉得.
所以其实冇被列入旅游点噶地方,分分钟你会错过噶地方,都可以为你留下深刻印象噶!!
藏獒屋.呵呵.导游话带我哋去睇藏獒喔~
其实原来竟然喺购物点喔外面!!!真喺离谱啊啊.明明就喺纯玩团.
不过算了,经过距购物噶地方先到藏獒噶龙.
藏獒好凶恶噶!!所以全部都喺一只一个龙.我哋去到噶期间距仲不停吠添!
特别呢只!!.几惊个龙要比距撞开冲黎食咗我啊...
所以我哋都系走了.
旁边有呢只家狗喺度望住啲藏獒~哈哈哈.好大对比.
附近噶一片草地.
睇完之后我哋就上车,今次真喺翻丽江了.
返程中又见到噶虎跳峡.今次呢段就冇咁激了~
开呀开呀开呀.大概7点半,我哋就遇到超级无敌大大大塞车!!!!
天啊...大家睇下前面啲车龙长到...
心谂死得啦.我个肚仔又开始唔听话.成个人都好辛苦啊啊啊!!附近又冇厕所!!又急尿!!!
顶..........简直想死的心都有了
最后足足塞咗个几钟!!9点半有多先翻到丽江!!!我的妈呀...
然后行去客栈又行错路.
后来叫客栈噶人黎接我哋.最后10点先翻到客栈...果断冲去厕所...
然后10点+先食饭
食咗一餐十分极度难食噶饭.
食完马上就翻客栈休息休息了.元气大伤啊啊啊.
香格里拉此行其实喺呢次旅程最唔满意噶一part.
其实如果当初我哋冇贪方便报咗团.根本就唔会搞到第一日咁唔开心.
而且第二日噶国家公园.如果唔系跟团,根本就唔需要咁早去!可以10点 11点先去.可以玩到下昼5 6点先出黎.
根本唔洗咁辛苦&咁多限制.
好在泸沽湖我坚持要自己去.,如果唔喺肯定冇咁好玩姐.
所以吖,大家真喺要好好衡量啊啊啊..
不过点都好喇,我都觉得中虎跳好壮观,香格里拉个国家公园几靓噶,值得去值得去!!~呵呵呵
更多图片请浏览相册.
下一篇将喺本系列游记最后一篇.敬请留意.
the end.
